《要睇淪落人》
um....我知道呢家風頭火勢，個個都洗哂版熱烈討論安心事件
但我都係想出Post講下嘢，就係想大家真係支持一下電影「淪落人」
我唔係好識點評一部電影好唔好，我只係識得分好唔好睇
呢部未上映前已經好多人講緊，我一直都好期待
直至前幾日去旺角睇，但眼見座位只係賣得十幾張飛
我就覺得 " 係咪一部雷聲大雨點小嘅電影" ?
但當我真係坐低慢慢睇時侯，我真係睇得好開心，好輕鬆，有好多位我都係由心微笑出嚟，我睇得好舒服
睇落簡單嘅劇情 情節 對白 但表現出嚟嗰份人與人之間嘅感情，尊重就一啲都唔簡單...
去到中後段，我就已經忍唔住流眼淚.....
由於我毒撚一個去睇，身邊幾個都係毒撚一個，我地都死忍爛忍，扮哂咳咁都忍唔到眼淚流出嚟
我知道復仇者聯盟上映之後，淪落人一定賣少見少，我唔想大家錯失一部好電影
老實講，小品得嚟又帶動到人嘅情緒真係好難先有
電影入面每個角色都做得好好
希望大家有時間，真係買飛入場支持!
感謝你們拍咗一部咁好嘅電影比我睇!
我無收錢幫淪落人賣廣告，我只係唔想大家錯失一套好電影
真係的，入場感受一下人與人之間嘅關係，好奇妙
離場後，我都諗咗好多嘢，關係其實唔洗咁複雜
如果大家睇完覺得唔好睇，即刻返嚟屌我推介錯!!
淪落人 Still Human
黃秋生Anthony Perry
陳小娟 Chan Siu Kuen
Search